Das Modell hani „Shopper“ à la Papiertragtäsche tauft. Es isch de Ideali Begleiter zum poschte...
Wer kennt da nöd mer gaht go poschte und vergisst Poschtitäsche die Heime mer kauft wieder e Papiertragtäsche für CHF 0.30 sicher regnets hüt no grad oder es hät gschneit und de Bode verussä oder i dä Tüüfgarage isch nass. Mer stellt die schweri Täsche ab wo scho fast überquilt und lupft sie grad uf zum Istiege in Bus oder zum Ilade is Auto und es macht *ratsch* und die ganze Ikäuf lieged am Bode. Drum hani die Täsche agfange nähe. Mer chan sie zäme knülle ohni das sie kaputt gaht und sie hät somit au überall Platz. Uf Wunsch chani au statt kurze, langi Hänkel dra nähe oder beides (kurz und lang) damit die schwerä Ikäufe au über Schulterä treit werdä chönd. Wie au bim Bode isch vieles möglich… ob en variable verstärkte Bode, das mer mit Joghurt und anderi Sache wo en guete Stand i de Täsche bruched sicher die Heime oder am Zielort achunt.
Usführig uf em Bild isch: Usse beschichteti Bauwolle, inne Baumwollstoff mit passende farbige Hänkel. Mer chan die Täsche au uf 30° Wäsche, aber bitte nöd in Tumbler tue.
Die Täsche chani au uf Wunsch us anderen Materialie nähe (beschichtet Liene, Canvas oder Baumwolle) und natürlich au mit div. Extras.
Schnittmuster isch au da vo mir selber.
